Posted By
IMAlive, Posted on March 11th, 2019
ന്യൂസ് ഡെസ്ക്, ഐഎംഎ ലൈവ്
ശരീരത്തിന്റെ പ്രധാന ഊർജസ്രോതസ്സായ ഗ്ലൂക്കോസിന്റെ അളവ് രക്തത്തിൽ ക്രമാതീതമായി കൂടുന്ന അവസ്ഥയാണ് പ്രമേഹം. എന്നാൽ അപ്രതീക്ഷിതമായി പ്രമേഹരോഗമുള്ളവരിൽ രക്തത്തിലെ പഞ്ചസാര കുറഞ്ഞാലോ? മാരകമായേക്കാവുന്ന ഈ അവസ്ഥയാണ് ഹൈപ്പോഗ്ലൈസീമിയ. രക്തത്തിലെ പഞ്ചസാരയുടെ അളവ് 70mg/dLൽ താഴെ പോകുന്ന അവസ്ഥയാണിത്. ലക്ഷണങ്ങൾ മനസ്സിലാക്കി കൃത്യസമയത്ത് പരിഹാരം ചെയ്തില്ലെങ്കിൽ വലിയ അപകടം തന്നെ സംഭവിച്ചേക്കാം.
കാരണങ്ങൾ
• ആവശ്യത്തിലധികം ഇൻസുലിനും മരുന്നുകളും ഉപയോഗിക്കുന്നത്.
• ആവശ്യത്തിന് ആഹാരം കഴിക്കാതിരിക്കുന്നത്
• അമിതമായ ശാരീരിക അധ്വാനം
ലക്ഷണങ്ങൾ
• അമിതമായ ദേഷ്യം
• അമിത വിശപ്പ്
• ക്ഷീണം
• കണ്ണിൽ ഇരുട്ട് കയറുക
• അമിതമായി വിയർക്കുക
• നെഞ്ചിടിപ്പ് വർദ്ധിക്കുക
• തലകറക്കവും തലവേദനയും
• കൈകാലുകളിൽ വിറയൽ
പെട്ടന്നുള്ള പരിഹാരത്തിനായി കഴിക്കാവുന്നവ
• മൂന്ന് ഗ്ലൂക്കോസ് ടാബ്ലെറ്റ്
• അരക്കപ്പ് ജ്യൂസ് (237ml)
• അഞ്ചോ ആറോ മിഠായികൾ
• ഒരു ടേബിൾസ്പൂൺ പഞ്ചസാര 15ml വെള്ളത്തിൽ ലയിപ്പിച്ചത്.
• ഒരു ടേബിൾസ്പൂൺ തേൻ(15ml)
പരിഹാരമാർഗ്ഗങ്ങൾ
• ഡോക്ടർ നിർദേശിച്ച ചികിത്സാക്രമം കൃത്യമായി പാലിക്കുക.
• വ്യായാമപരിധിയിലോ ആഹാരക്രമത്തിലോ മരുന്നിന്റെ അളവിലോ വരുത്തുന്ന മാറ്റങ്ങൾ ഡോക്ടറുമായി ചർച്ച ചെയ്തുവേണം തീരുമാനിക്കാൻ.
• എപ്പോഴും മിഠായിയോ, ഗ്ലൂക്കോസ് ഗുളികകളോ കയ്യിൽ കരുതുക.
• യാത്രയിൽ ഐഡി കാർഡോ ടാഗോ കരുതാം. രക്തഗ്രൂപ്പ് ചികിത്സിക്കുന്ന ഡോക്ടറുടെ പേരും ഫോൺ നമ്പറുമെല്ലാം ഈ കാർഡിൽ വേണം. ഇത് ശരിയായ ചികിത്സ ലഭിക്കാൻ സഹായിക്കും.
• ജിമ്മിൽ വ്യയാമത്തിന് പോകുന്ന പ്രമേഹരോഗികൾ ജിം ട്രെയിനർമാരെ താൻ പ്രമേഹരോഗിയാണെന്ന് മുൻകൂട്ടി അറിയിക്കണം.
Do you know what to do if your blood sugar becomes dangerously low?
