Posted By
ലേഖകൻ :Dr. Madhu Sreedharan, Cardiologist
ഏതാനും ദിവസങ്ങൾക്ക് മുൻപാണ് കണ്ണൂർ എസ്എൻ കോളേജിലെ വിദ്യാർത്ഥിനി ആര്യശ്രീ അണുബാധയെത്തുർന്ന് മരണപ്പെട്ടത്. കർണാടകയിലേയ്ക്കുള്ള വിനോദയാത്രയുടെ തൊട്ടടുത്ത ദിവസമായിരുന്നു പെൺകുട്ടിക്ക് പനിയും മറ്റ് അസ്വസ്ഥതകളും അനുഭവപ്പെട്ടത്. ആശുപത്രിയിൽ പ്രവേശിപ്പിച്ചപ്പോഴാണ് പെൺകുട്ടി കടുത്ത അണുബാധയ്ക്ക് ഇരയായിട്ടുണ്ടെന്ന് മനസ്സിലാക്കിയത്. പക്ഷേ വൈകിപ്പോയിരുന്നു, തൊട്ടടുത്ത ദിവസംതന്നെ ആര്യശ്രീ മരണത്തിന് കീഴടങ്ങി. മയോകാർഡിറ്റിസ് എന്ന ഗുരുതര രോഗമായിരുന്നു ആ പെൺകുട്ടിയെ മരണത്തിലേയ്ക്ക് നയിച്ചത്.
എന്താണ് മയോകാർഡിറ്റിസ്?
ഹൃദയപേശികളുടെ(myocardium) വീക്കത്തെയാണ് മയോകാർഡിറ്റിസ് എന്ന് പറയുന്നത്. ഹൃദയപേശികളേയോ, ഹൃദയമിടിപ്പിനെ പ്രേരിപ്പിക്കുന്ന സിഗ്നലുകൾ ഉണ്ടാക്കുന്ന സംവിധാനത്തേയോ(heart electrical system) മയോകാർഡിറ്റിസ് ബാധിക്കുന്നു. ഇതുവഴി ഹൃദയത്തിന്റെ രക്തം പമ്പ് ചെയ്യാനുള്ള കഴിവ് കുറയുകയും അസാധാരണമായ ഹൃദയതാളം രൂപപ്പെടുകയും ചെയ്യുന്നു.
ചെറുപ്പക്കാർ, കുട്ടികൾ തുടങ്ങി ആർക്കും വരാവുന്ന ഒരു അസുഖമാണിത്. എത്ര ആരോഗ്യവാനായ ആളാണെങ്കിലും ഈ അസുഖം ബാധിക്കാമെന്നത് ഇതിന്റെ അപകടാവസ്ഥ തെളിയിക്കുന്ന ഒന്നാണ്. കുട്ടികളുടേയും, ചെറുപ്പക്കാരുടേയും പെട്ടെന്നുള്ള മരണത്തിന് കാരണമാകുന്ന ലോകത്തിലെ മൂന്ന് അസുഖങ്ങളിൽ ഒന്നാണിത്. സ്ത്രീകളെ അപേക്ഷിച്ച് പുരുഷൻമാർക്കാണ് ഈ അസുഖം ബാധിക്കാൻ സാധ്യത കൂടുതലുള്ളത്
രോഗലക്ഷണങ്ങൾ
രോഗബാധയുടെ ആരംഭത്തിലോ, രോഗത്തിന്റെ ആഘാതം കുറവുള്ള ഘട്ടത്തിലോ ലക്ഷണങ്ങൾ പൂർണമായും പ്രകടമാകണമെന്നില്ല. രോഗം പുരോഗതി പ്രാപിക്കുന്ന അവസരത്തിലാണ് ലക്ഷണങ്ങൾ കൂടുതൽ വ്യക്തമാകാൻ തുടങ്ങുക.
കുട്ടികളിലെ രോഗലക്ഷണങ്ങൾ
കുട്ടികളെ മയോകാര്ഡിറ്റിസ് ബാധിക്കുന്ന അവസരത്തില് താഴെ പറയുന്ന ലക്ഷണങ്ങളാണ് പ്രകടമാവുക.
രോഗകാരണങ്ങൾ
മയോകാർഡിറ്റിസ് വിവിധ കാരണങ്ങളാലുണ്ടാകാം. എങ്കിലും പൊതുവായി കാണപ്പെടുന്ന കാരണം ഇൻഫഌവൻസാ പോലുള്ള വൈറൽ അണുബാധയാണ്. ബാക്ടീരിയ, ഫംഗസ് എന്നിവ മൂലവും രോഗം ഉണ്ടാകാം. കീമോതെറാപ്പി, റേഡിയേഷൻ മുതലായ കാൻസർ ചികിത്സ ചെയ്യുന്നവർക്കും, കൊക്കെയ്ൻ, മദ്യം എന്നിങ്ങനെയുള്ള ലഹരിവസ്തുക്കൾ ഉപയോഗിക്കുന്നവരിലും മയോകാർഡിറ്റിസ് വരാനുള്ള സാധ്യത കൂടുതലാണ്. കൂടാതെ എസ്എൽഇ പോലുള്ള ഓട്ടോ ഇമ്മ്യൂൺ(Auto-immune) രോഗങ്ങളുള്ളവർക്കും അസുഖം വരാം.
രോഗനിർണയം
ചികിത്സ
മയോകാർഡിറ്റിസിന് പ്രത്യേക ചികിത്സയില്ല എന്നതാണ് യാഥാർത്ഥ്യം. അണുബാധയെ പ്രതിരോധിക്കാനായി ചിലതരം ആന്റിബയോട്ടിക്കുകൾ ഉപയോഗിച്ചുവരുന്നു.
രോഗപ്രതിരോധം
Know about Viral myocarditis that had caused Aryasrees death